NATIONAL | July 21, 2019: Uttar Pradesh laga power department khan para Hapur laga manu ek jun ke asorit kurai dishe .
Shamim ekta septuagenarian toh ekta electricity bill Rs 1,28,45,95,444 paishe aro tai laga power load toh komti hoilebi 2 Kilo Watt nishena hi ase .
Shamim kun tai laga maiki Chamri village Hapur te thakeh koishe ki tai Electricity department logote jaishe etu galti thik kuribole nimete hoilebi tai ke koishe officials khan para etu bill dibole nohoile toh tai laga electricity toh wapas nadibo.
“Kun bi nahuneh ami khan kuwa toh ami khan kinika etu poisa toh dibo ami khan etu te complaint kuribole jaa time te ami khan ke koishe tai khan electricity supply nadibo ami khan bill nadia tak,”Tai koikena janaishe.
Shamim koishe reports ke ki tai laga monthly electricity bill toh Rs 700 aro Rs 800 majhotte ahe.
“Hoilebi etu bar Electricity Department para ami ke pura jaka laga bill dishe,”Tai koikena janaishe .
Power department Lucknow laga senior officials khan koishe tai khan etu janaikena thakanai aro etu nimete kotha kuribole npareh.Tai khan ke etu chamela laga kotha kura time te tai khan koishe etu toh technical glitch ase aro thik kuribo.
Etu nohoa tak Shamim aro tai laga ghor manu khan andhera te thakibo.
Add Comment