Mexico City, 6 July : England para aji Azteca Stadium te Mexico ke dramatic 3-2 pora harai FIFA World Cup quarter-finals te uthisey.
Thomas Tuchel laga team para second half laga shurute Jarell Quansah red card paisey, kintu itu pichete bhi match jiti lobo parise. Itu recent years majot England laga sob pora bhal victories majot ekta ase.
Mexico para Azteca Stadium te khela 89 competitive matches majot matro dui ta harise, kintu England para shurur pora bhal control loina khelise.
Jude Bellingham para first half khotom hua age matro 98 seconds bhitor duita goals mari England ke bhal advantage dise.
Ahia match te, Brazil laga veteran player Neymar Jr. para international football pora retirement announce korisey. Itu decision tai para Norway laga khilaf FIFA World Cup Round of 16 te 2-1 pora haria pichete loi ase.
Neymar para Brazil laga all-time leading scorer hisab te tai laga international career khotom korisey.
34 saal umor forward para Brazil laga sixth World Cup title jitibo laga asha khotom hua pichete international football ke goodbye janai dise.
Match te Erling Haaland para late brace mari Norway ke victory dise. Neymar para stoppage time te penalty goal marise, kintu itu khali consolation goal hisab te thakise.
Tai laga retirement logot Brazilian football laga sob pora celebrated international careers majot ekta khotom hoi jaise.
Brazil karone, itu har tu European teams laga khilaf lagatar 7 number World Cup knockout defeat ase. Logote, 1990 pora etu Brazil laga sob pora age World Cup exit bhi ase.
Neymar laga emotional farewell logot, Brazil football ke ek decade pora bhi beshi somoi define kora ekta era khotom hoi jaise.
