Seattle, 7 July : FIFA World Cup laga Round of 16 match te Belgium para United States ke 4-1 pora haraina quarter-finals te jagah banaise.
Belgium para match laga shurute control loi loise, Charles De Ketelaere aru Hans Vanaken laga early goals karone. Pichete Romelu Lukaku para stoppage time te goal mari victory confirm kori dise.
United States karone first half te Malik Tillman para matro ekta goal marise.
Belgium etiya Friday din Los Angeles Stadium te quarter-finals match te Spain laga khilaf namibo.
Agete, Spain para Dallas Stadium te Portugal ke 1-0 pora harai quarter-finals te qualify korisey. Mikel Merino para second half stoppage time laga first minute te winning goal marise.
Portugal World Cup pora bahar hua pichete, Cristiano Ronaldo para koise ki tai ahibole thaka FIFA World Cup te phiri nahibo.
Spain para 2010 South Africa World Cup te title jita pichete etiya first time quarter-finals te puhchise.
Ahiboley Round of 16 match te, defending champions Argentina para aji Atlanta te Egypt laga khilaf khelibo.
Match tu Indian Time hisab te rati 9:30 baje pora shuru hobo.
