Pattaya, 7 July : India laga wrestlers para Thailand laga Pattaya te khela Under-20 Asian Wrestling Championships te mot 20 medals hasil korisey. Itu majot 4 gold, 7 silver aru 9 bronze medals ase.
India para bishi weight categories te consistent podium finishes hasil kori, women’s wrestling aru men’s freestyle duita tei top-three team rankings hasil korisey.
Women’s competition te, India para 184 points logot second position te khotom korisey. China para champions hoisey, aru Japan para 142 points logot third position hasil korisey.
Men’s freestyle event te, India para 152 points logot third position te khotom korisey. Kazakhstan para 170 points logot champions hoisey, aru Iran para 164 points logot runners up hoisey.
Women’s division te India laga campaign ke Parveen (50 kg), Muskan (53 kg) aru Kajal (76 kg) para lead korisey. Tai tinijon nijor nijor weight categories te gold medals jitise.
Men’s freestyle competition te, Sumit Kumar Laxman Bharaskar para India karone matro gold medal hasil korisey.
Tai para 70 kg category final te Kazakhstan laga Sungkar Seidakhmet ke 13-7 pora harai gold medal jitise.
