December 15, 2023: Friday din deh Russia para European Union laka decision kuto Ukraine aro Moldova lokot open membership talks lobo leh ase, etu tho ekta politicized decision ase kui shae kuto bloc keh destabilize kuri bo.
“EU deh join kura kotha tho bishi sal nahoi leh decades tak jai. EU kna hotai accession deh strict criteria kan takeh aro Ukraine, Moldova tuita b etu criteria kan napun chae kwa tho jana kotha ase,” kremlin spokesperson Dmitry Peskov para reporters kan keh kui shae.
“Etu tho paka paki politicized decision ase kui nah clear ase, EU kan etu country kan keh support kuri bo mun jai kui nah dikai ase. Houle b enaka nutun members kan para EU keh destabilize kuri bo aro mukan EU lokot eki continent deh taka akrne, mukan bhal para sai ase,”
Thursday din laka summit deh, EU leaders kan Ukraine lokot entry talks kan kuir bole acha kui shae. hoile b taikan Kyiv keh 50 billion euros laka financial aid package dibo leh para nai Hungary oppose kura karne.
Add Comment