December 15, 2023: Washington kan Israel kan keh war kuto Gaza deh kuri ase itia, etu war deh Hamas leaders kan keh thik target kuri b kui ase, sob jaka deh bombing aro ground operation nakuri nah, White House laka Security adviser para Friday din deh kui shae.
Israel kan itia tak kiman global pressure ahi ase war tho ruka bole, etu kan pura hatai di ase. “War laka alak phase deh jabo leh ase. Etu phase deh leadership aro intelligence driven operation keh thik target kuri bo,” adviser Jake Sullivan para reporters kan keh kui shae. Sullivan para tai Israeli prime Minister Benjamin Netanyahu lokot transition laka kotha kuri nah ase kui shae meetings deh, war cabinet aro military chiefs para Thursday din deh kui shae.
“Etu kitia hobo aro ki condition deh hobo, etu kan sob United States aro Israel majo deh kotha taki bo,” tai kui shae. Meeting kotom hua piche deh, Israeli Defense Minister Yoav Gallant para tai Sullivan keh war tho bishi mohina karne taki bo kui shae. White House kan tho piche deh war tho phat kotom kuri d bole koshish kuri ase, US Officials kan para kui shae.
Add Comment