NEW DELHI: Election Commission koishe reserved EVMs aro VVPATs bukha gari khan te tai khan laga aha-ja sabole nimite GPS tracker lagabole ase. Etu toh saatha-phased thaka Lok Sabha polls te mandatorily lagabole ase.
Etu fasla aha laga karan toh electronic voting machines (EVMs) aro voter verifiable paper audit trail (VVPAT) machines toh hotels, rasta aro MLA khan laga ghor te pa nimite ase. Etu machines khan toh jua saal panchta states te assembly elections huwa samay te thakishe.
Sob state laga chief electoral officers khan ke reserved EVMs aro paper trail machines buki thaka gari khan laga aha-ja toh ekdam bhal para sabole nimite.
Tai khan koishe etu khan nimite reserve machines sob sector officers gari khan te GPS tracking system toh mandatorily laga bole ase.
Desh pura te EC para 10.35 lakh polling stations genika rakhibole ase. 2014 saal te huwa parliamentary polls te 9.28 lakh genika banai kena thakishe. Etu hesab te etu bar laga elections te polling stations te 10.1 per cent uthishe.
Lok Sabha elections toh April 11 te suru hubole ase aro May 19 tok chulibole ase. Etu toh saatha phase te hubole ase. May 23 te vote toh ginti kuribole ase. Etu toh Election Commission para Sunday din te announce kurishe.
Add Comment