Amaravati (Andhra Pradesh): Khobor hesab te YS Vivekananda Reddy toh Friday din te tai laga ghor te muri kena paishe. Hoile bhi tai laga parivar (family) manu khan koi as eke etu mura nlaga karan toh natural noi koishe. YS Vivekananda Reddy toh former minister aro former Andhra Pradesh Chief Minister Y S Rajasekhara Reddy laga chutu bhai thakishe. YS Vivekananda laga ghor toh Andhra Pradesh laga Kadapa district te tai laga ghor ase.
Vivekananda Reddy laga personal assistant M V Krishna Reddy para Pulivendula police logote melai kena complaint file kurishe. Personal assistant M V Krishna Reddy koishe ke YS Vivekananda toh naturally murishe etu kotha opor te tai eman bisas mokuri kena ase. Kile koile YS Vivekananda laga bedroom aro bathroom te khoon paishe.
YS Vivekananda toh etu duniya te tai laga maiki aro tai laga chukuri chari kena jaishe.
Vivekananda Reddy laga nephew aro former lawmaker Y S Avinash Reddy para koishe ke etu toh natural death nohoi aro etu ghatna khilaf te bhal para puchtach kuribole lagi ase.
Add Comment