Expel huwa BJD leader, Rajya Sabha MP Sujeet Kumar BJP join kurisey

New Delhi, September 06 : Biju Janata Dal(BJD) party para olaidiya neta aro Rajya Sabha MP Sujeet Kumar para Friday(September 06) te Bharatiya Janata Party (BJP) join kurisey. Etu tu tai Upper House of Parliament para resign kuri luwa aro tai “party laga khilaf te ja” laga kaam te shamil thaka nimitey taikey party para olaidikina olop homoi huwa picheyte hoisey. Sujit Kumar para Union Minister Dharmendra Pradhan, BJP MP Bhratruhari Mahtab, party laga National media head Anil Baluni aro General Secretary Arun Singh laga mojudgi te BJP join kurisey. Kumar para Rajya Sabha chairman ke diya resignation letter te koisey ki tai para MP laga post charibole faisla luwa tu hosh te thakikina luwa laga asey. Kumar para enaka bi koisey, “Ami para etu moka loi asey apni para amikey public nimitey jaruri thaka aro amilaga rajya Odisha laga mamla khan uthabole moka diya nimitey apni ke ekdam dhanyabad jatabole.”Biju Janata Dal(BJD) tu Sujeet Kumar laga etu harkat para apsoos asey. Ekta official order te, BJP president aro poila laga Odisha Chief Minister Naveen Patnaik para koisey ki Kumar para utu party ke apsoos koraisey kun para taikey Rajya Sabha te pathaisey aro Kalahandi district laga manu khan laga akha aro iccha khan ke bi nirash kuridisey. Sujeet Kumar tu Kudumi community leader Mamata Mohanta picheyte , Rajya Sabha para resign kora second BJD MP asey. Mohanta tu recently Rajya Sabha te Bharatiya Janata Party(BJP) laga ekta member hisap te Rajya Sabha te unopposed(tailaga khilaf te kun bi nathakikina) elect hoisey.