NEW DELHI: Wednessday te External Affairs Ministry koishe Black Sea te duita Tanzanian-flagged nao te dangor jui laga nimite choita Indians murishe aro dusra choita manu khan haraio kena ase.
Indian seamen laga families khan ke apsos huwa laga kotha koi kena Ministry victims khan ke identify kurishe. Victims khan laga naam toh etu ase. Pinal Kumar Bharatbhai Tandel, Vikram Singh, Sarvanan Nagarajan, Vishal Dod, Raj Debnarayan Pani aro Karankumar Haribhai.
Marai kena thaka Indians khan toh Maestro laga Siddharth Meher, Neeraj Singh, Sebastian Britto Breezlin Sahayaraj aro Anandasekar Avinash aro Candy laga Rushikesh Raju Sakpal aro Akshay Baban Jadhav ase.
Charta Indians khan ke bachaishe. Tai khan laga naam toh etu ase Harish Joi, Sachin Singh, Ashish Ashok Nair aro Kamleshbhai Gopalbhai Tandel ase.
Ministry statement koishe Russian Maritime Agency aro Maritime Rescue aro Coordination Centre Novorossiysk khan harai kena thaka manu khan ke besaribole pura kosis kuri ase.
Mumbai laga Indian Registry laga Director General Communication Centre toh Indian seamen laga families khan logote in touch ase koishe. Statement te koishe murija manu khan laga bodies khan ke wapas anibole pura bondobos kuri ase koishe.
Pura-puri 32 crew members thaka duita ships te Turks, Indians aro ekta Libyan intern thakishe.
Tuesday te Russian state news agency TASS khobor kurishe preliminary information koishe jui toh Monday rati te fuel transfer kuribole laga pump toh fail kura nimite ase. Etu failure toh duita nao majote security regulations laga violation opor te hoishe.
Add Comment