BHUBANESHWAR: Agi Congress president Rahul Gandhi koishe tai Prime Minister Narendra Modi ke ghin nokure. Hoile bhi tai PM Modi laga kunba kotha te agree nokure. Aro etu toh alak alak issue te ase.
Mr Gandhi koishe moi jane PM Modi moi laga sob kotha opor te agree nokure aro moi tai laga sob kotha te agree nokure. Moi tai logote larai kuribo aro moi kosis kuribo aro sure kuribo ke tai Prime Minister aro nohubole. Hoile bhi moi PM Modi ke ghin nokure. Moi tai ke tai laga opinion dibole tai ke adhikar dibo.
Mr. Gandhi ke kotha toh Bhubaneswar te intellectuals khan logote kotha kora samay te koishe. Rahul Gandhi koishe ekta politician aro manu huwa te ketiya RSS aro BJP para tai opor te hinsa kure etu toh tai nimite sob para bhall hoi koishe. Aro ketiya PM Modi tai ke hinsa kure tai PM Modi ke hug kuribole echa hoi koishe.
Mr Gandhi aro koishe BJp para chole NDA government kura sob jaga te RSS laga nisani (imprint) ase. Aro BJP laga ideologoical mentor toh desh laga sob institution te ghusi kena control kuribole mon ase.
Tai koishe upni khan logote etiya ekta institution ase etu toh RSS ase. Aro etu toh BJP laga mothership ase. RSS toh dusra sob institutions te ghusi kena tai khan ke cholabole mon ase.
Add Comment