Face masks para 225 times risk komti

New Delhi: Study hesab te face mask lakai logot toh social distancing para be bhal wala ase, etu para Covid thuriboli pachai dey, koikena Daily Mail khobor hesab te janaishe. Researchers para janishe ke, face mask jola toh 225 times risk toh komti kori dey aro etu toh 3-meter rule logot bhal ase, koikena khobor para janaishe. Mask lakaboli toh country sob te mabdated ase aro etu bemari samai evidence bhal toh itya be napaikena ase. Sobse latest research hesab te, German aro US experts team para koishe ke, mask mask lakai toh ‘enormously high’ protection, ase koikena khobor para aro janaishe. Khobor hesab te, jodi face mask nalakaina bemar manuh osor te 5 minutes osor te thakishe koile, Covid thuriboli 90 per cent chance  ase, jodi 3 meters thur thakishe koile be. Etu oper te, jodi manuh ek jun surgical mask lakaishe aro 30 minutes neshina osor te thakishe koile, risk toh eman nai, koikena khobor para aro koishe.Sobse ideal scenario te, jodi tui(2) jun be medical-grade FFP2 mask lakaishe koile, bemar thuriboli toh 0.4 per cent ase. Gottingen aro Cornell universities experts para koishe ke, “social distancing toh komti important ase”. Besi din para study kora beche, tangor khobor ekta powa toh hoile mask jola para 50 per cent rate hatai dey, etu toh social distance logot double ase, koikena khobor para janaishe.