GUWAHATI | May 6, 2019:Sunday din Assam Boko te aatda bosti aro 3000 acres nishena mati paddy cultivation bithor te paani bishi girikena biya hoishe .
Meghalaya te paani bishi gira nimete state’s Gijang aro Dilseng nodi laga water level danger level punchise .Etu duita nodi laga paani Singra Hahim Boko Saturday rati te olaishe .Etu paani para Dirima aro Balijhar laga duita bridge paani para luijaishe. Dolong laga phanga saaman khan toh duita switch gates khan te phasise .
Sob milaikena 15 gates te 11 toh phasise etu para Dirima bosti te flood hoikena thakishe .
2014 te huwa enika nishena flood te bishi jaanwar murishe .Hoilebi etu bar bosti manu khan jaanwar khan ke bachabole parishe etu paani naghussa akhe te .
Sunday din te bosti manu khan ghor te ghussise aro ekta temporary flood relief camp Barua-Pahartoli Lower Primary School laga te rukhishe.
Add Comment