GUWAHATI | May 6, 2019:Sunday din Cylcone Fani khotom huwa pichede North east laga flights shuru kurishe .Aro South bound trains East Coast Railway jurisdiction Odisha te Monday din para shuru kurishe.
Airports Authority of India laga spokesperson koishe ki Northeast laga sob airports khan khulishe Cylcone Fani khotom huwa pichede .Hoilebi mousam biya huwa nimete kun flights khan cancel kurishe .Flight service khan aro bi shuru kurishe aro flight khan bi berabole shuru kurishe .Sunday din te flight ekta bi cancel huwanai,AAI koikena janaishe.
Mousam bishi biya huwa nimete Guwahati Imphal, Agartala, Dibrugarh, Lilabari aro Dimapur airports khan laga flights khan cancel hoishe .
Lokpriya Gopinath Bordoloi International (LGBI) Airport te Friday para hi air traffic biya hoishe aro passengers khan city airport te bishi diri rukhishe flight operations khan thik thak hobole nimete .
Aro Northeast Frontier Railway khan para komti hoilebi 20 south India-bound trains khan cancel kurishe tin din te Odisha te cyclone aha nimete, passenger khan ke safe rakhibole nimete .
Assam laga bishi pilgrims khan kun Puri te jaishe special trains nimete Howrah te punchibole nimete aro tai khan train s te ghussikena state te punchise kile koile West Bengal laga trains services khan cyclonic storm para affect huwa nai.
Sunday din te Kanchenjunga Express para 34 pilgrims nishena manu punchise .Etu pilgrims khan bishibak Baksa, Nalbari and Kamrup (rural) districts – para thaka Puri te jabole special trains te Thursday din Howrah laga East Coast Railway para bonaidiya laga ase .
Add Comment