December 11, 2023 : Hundreds nishina tourists aru visitors khan, kun khan toh itu Naga cultural milieu laga vibrancy toh witness kuriboley ahishey, itu Hornbill Festival tey, tai khan toh homoi ulai kena, itu famous World War II Cemetery tey bhi visit kurishey koishey, kuntu Kohima laga majetey located asey.
Dr. Avlokita Sharma nimitey, kun toh hoiley tai laga mota logotey ahisey, itu Hornbill Festival tey, tai itu Kohima laga War Cemetery tey visit kuria laga motivation thaka toh hoiley, itu “unsung hero” khan ke tribute diboley karney takishey koishey.
“Moi yatey ahiboley mon thakishey arum oi laga tribute diboley mon thakishey, kiley maney itu cemetery toh unsung hero khan thaka laga asey,” Sharma para koishey, kun toh hoiley itu armed forces logotey connection asey, family ties khan para,
“Itu para Moi bhabana kurey, itu toh hoiley sob citizen khan laga, yatey ahiboley, visit kuriboley, arum oi khan laga tribute diboley,” tai para Eastern Mirro ke koishey.
Sharma toh hoiley profession para dentist asey, itu cemetery laga maintenance opor tey laud kurishey koishey aru tai hope express kurishey ki, itu government aru kaam kuria khan toh hoiley tai khan laga commendable effort khan toh eneka he kuri kena jabo aha din tey bhi, koishey.
Add Comment