Miami Gardens, 4 July : FIFA World Cup te Argentina para United States laga Miami Gardens te khela Round of 32 match te Cabo Verde ke extra time pichete 3-2 pora harai Round of 16 te uthisey. Agete, Egypt para Arlington te Australia ke penalty shootout te 4-2 pora harai next round te qualify korisey.
Defending champions Argentina para matro 5 lakh pora olop beshi population thaka Cabo Verde laga khilaf bishi kothin challenge face korisey, kintu end te Round of 16 te jagah banabo parise.
Lionel Messi para 29 minute te goal mari Argentina ke lead dise. Itu tai laga tournament te 7 number goal aru World Cup career te 20 number goal ase. Tai 6 World Cup editions bhitor 30 number appearance te itu milestone hasil korisey.
59 minute te Deroy Duarte para Cabo Verde karone equaliser mari score 1-1 kori dise, aru match extra time te jai dise.
Extra time te Lisandro Martínez para Argentina ke aru ekbar lead dise, kintu Sidny Lopes Cabral para bishi sundor equaliser mari underdogs laga asha jinda rakhi dise.
Match laga deciding moment tu 111 minute te ahise. Lionel Messi laga corner pora Cristian Romero para mara header Diney Borges laga gau te lagikena net bhitor jai dise. Itu own goal karone Argentina dramatic victory hasil korisey.
Agete, Australia aru Egypt regulation time aru goalless extra time pichete 1-1 te ase. Pichete penalty shootout te Egypt para 4-2 pora jiti dise aru World Cup knockout stage te tai khan laga first-ever victory register korisey.
Argentina etiya Tuesday din Round of 16 te Egypt laga khilaf khelibo.
