Croatia, 4 July : India laga Grandmaster R Praggnanandhaa para Croatia Grand Chess Tour laga rapid section te bishi bhal performance dikhai dise. Tai kali khela sob 3 matches jiti dise aru France laga Alireza Firouzja logot joint lead te uthi dise.
Praggnanandhaa para Ivan Saric, Bogdan-Daniel Deac aru Anish Giri ke harai dise aru blitz section shuru hua age standings laga top te uthi dise.
Anibela, reigning world champion D Gukesh para kali tai laga sob 3 games draw korisey aru etiya 10 points logot ase. Itu joint leaders pora 2 points kom ase.
Tournament etiya 18-round blitz section te jabo, kot te overall winner kun hobo, itu decide hobo.
