July 3, 2026: Four time Tour de France winner Chris Froome toh retire hoi jai she, professional cycling te para.
41 sal British cyclist toh, August 2025 te, ekta rasta laga sign te thungea piche, aro race kure nai. Tai utu accident te, pasta ribs neshe na bhange she, aro spine be fracture hoi she.
Tai sob se beshe decorated cyclists ase, seven Grand tours jete she Team Sky khan karne race kurea homoi.
Tai 2013, 2015, 2016 aro 2017 te Tour de France title khan jete she. Khali Jacques Anquetil, Bernard Hinault, Miguel Indurian aro Eddy Merckx khan tai ke be borta Tour de France titles jete she.
Tai 2018 te, Giro d’Italia title jete she aro 2011 te Vuelta a Espana title jete she. 2012 aro 2016 laga Olympic te bronze medals jete she.
