April 20, 2024 : Eastern Nagaland People’s Organisation para Show-Cause notice diya pichetey Nagaland laga Chief Electoral Officer – Viyasan R para ENPO laga President – Tsapikiu Sangtam ke warn kuri kena koishey ki, 2024 laga election laga din toh Election Commission of India para March 16th tey announce kurishey aru Nagaland laga polling din toh April 19th tey thakiboley laga janaishey, CEO para Tsapikiu ke koishey, ki, ENPO laga president hoi kena Eastern Nagaland Public Emergency Control Room toh Superintendence kuriboley paribo itu nimitey ENPO khan citizen khan laga Electoral Right khan toh exercise kuriboley laga tey interfere nakuriboley warn kuria kena thakishey, koishey, CEO para koishey ki, public notice toh Indian Penal Code Section 171C bhanga laga asey, tai para koishey public notice toh hoiley undue influence aniboley laga asey kotey Eastern Nagaland laga citizen khan laga voting right khan tey interfere kuria laga asey koi kena CEO para janaishey, koi asey.
Aru ekta khobor tey ENPO para 18th April raati 6:00 PM para shuru kuri kena Eastern Nagaland tey indefinite shutdown lagai di kena thaka toh wapas loishey, koi asey. Eastern Nagaland Public Emergency control room para Tuensang, Mon, Longleng, Kiphire, Shamator aru Noklak tey April 18th Raati choi baji para shutdown kuri kena rakha toh uthai dishey, tai khan para tatey laga citizen khan itu shutdown thaka homoi tey dukh paishey koiley toh regret kuria laga janaishey koishey.
Add Comment