April 25, 2021. Congress leader aro Mizoram laga purana art & culture minister PC Zoram Sangliana 65 umer toh Saturday din Covid-19 bemar para morishe. Etu khobor toh Mizoram chief minister, Zoramthanga para Saturday din te janaishe. Zoramthanga para mon dukh kotha toh ghor manuh logot janaishe. “besi mon dukh ase, ami khan Mr. PC Zoram Sangliana, Ex-Minister COVID-19 para mora nemite farewell thiboli toh,” koikena Mizoram chief minister Zoramthanga para koishe. “ami laga mon dukh toh ghor manuh logot janai ase aro oper wala para shanty thiboli parthana ase,” tai koishe. Khobor hesab te Congress leader toh Aizawl, Zoram Medical College (ZMC) te 5:20 pm samai morishe. Tai ke April 14 darik Covid-19 positive tested thurikena thakishe. Sangliana ke April 14 darik ZMC hospital te admitted korishe aro Saturday din te Covid-19 bemar para morishe. Zoramsangliana toh Kolasib Assembly constituency para thakishe. Khobor hesab te, tai olop din akhe Kolkata te jaikena ahishe. Mizoram te 24 gonda pithor te sob melaikena 10 jun manuh discharged hoishe aro itya dak etu bemari para 4,637 manuh bhal hoikena ase. Etu samai aro Kolasib district para 2 jun discharged hoishe aro 2 jun Aizawl district para discharged hoishe aro Lunglei district 1 jun aro discharged korishe. Mizoram te 5,283 Covid19 positive cases registered hoikena ase aro state te 634 active Covid19 cases ase koishe.
Former Mizoram minister Zoram Covid-19 para morishe
