TURA: West Garo Hills (WGH) jaga te police para tui(2) jun tawai beka manuh thurishe aro tai jun laga hath para Yaba tawai (tablets) toh 2 kgs neshina paishe. Khobor para koishe ke, etu incident toh April 22 darik te hoishe. WGH police logot khobor powa te West Garo Hills (WGH) pithor Garobadha jaga te etu tawai toh loikena perai ase honishe. “ami khan para suspects ke besi thiri ketaikena, tui(2) jun manuh ke Oidoba (Joyfair tri junction) osor te April 22 darik, 5:30 pm samai thurishe. Itya ami khan aro eke gang laga dosura members kaun khan inter-state drug transport kora te samil ase thuriboli pesari ase,” koikena Superintendent of Police, WGH, Dr MGR Kumar para kohobor toh janaishe. Superintendent of Police para aro koishe ke, etu operation kam kora samai etu tui(2) jun laga hath para 20,000 suspected YABA tablets (2.028 kgs) neshina paishe. Etu cases nemite IPC aro NDPS Acts pithor te FIR korishe.
West Garo Hills tawai beka manuh thurishe
