April 25, 2021. Assam’s Dibrugarh University student ek jun para controller of examinations university, Dr PK Kakoty laga sign chor korikena postgraduate exams cancel kora nemite thurishe koishe. Dr PK Kakoty laga sign chor korikena April 6 aro 20 darik te mesi notification toh janai thishe. Etu student toh Laksha Bikash Gogoi, Tinsukia district para ase koishe. Dibrugarh University authority para Dibrugarh police station te etu kam nemite case (no 846/21), 120(B) 419/468/471/198 section pithor te case korishe. Saturday din te Dibrugarh police para etu student ke tai laga ghor Laipuli, Tinsukia district para thurishe. Police para Laksha Bikash Gogoi laga mobile phone be thurishe koishe. “etu student para sign chor korikena dosura students khan laga jevan oper te kam kora toh crime ase. Itya covid-19 cases othi-thaka samai students oper te besi mon dukh hoboli dishe,” koikena police officer para koishe. Friday din te Dibrugarh University para university te 16 students logot COvid-19 positive case thura namite loi thaka exam aro ahiboli exams sob postponed korishe. University te tinta(3) hostels pithor te Covid-19 cases thura nemite health department para etu jaga toh containment zones junaishe. Dibrugarh University controller of examinations PK Kakoty para Friday din notification te koishe, sob postgraduate (PG) examinations (both traditional & professional) aro Integrated MSc in Physics exam toh postponed thakiboli janaishe. Etu oper te sob undergraduate (UG) professional exams pithor te BEd, B Tech, LLB, BA LLB (H), BCom LLB (H) aro BBA LLB (H) toh be postponed korishe.
