PARIS (AP) — Protesters khan tax utha nimite French police khan logote larai korishe. Etu protest toh third weekend tok choli ase. Etu protest te bishi manu arrest hoishe. Etu arrest toh central Paris laga rasta majote barricades bana, jui jolai aro pathor officers khan opor te phela karne hoishe. Etu toh Saturday te hoishe.
Police tear gas aro water cannons use korishe protesters Arc de Triomphe jaga te juma kora nimite. Kunba demonstrators pathor phalai kena marishe, police laga etu kaam opor te.
Dushra khan World War I laga Unknown Soldier laga Tomb bachabole barriers khan hataishe. Protestors khan eternal flame osor te khara korishe aro national anthem gaishe. Protestors khan ke police para hataishe.
French Deputy Interior Minister Laurent Nunez koishe Champs-Elysees avenue osor te 3,000 opor problem diya manu khan thakishe. Paris police koishe komti hoilebhi 81 manu ke arrest korishe. Nunez koishe 5,000 police anishe Paris protest rukhabole.
Etu majote shanti para protest kora khan Champs-Elysees jaga punchibole police checkpoints par korishe. Etu protestors khan ke “Yellow Jackets” koi. Protestors khan dangor banners loi kena march korishe. Banner te Macron, stop taking us for stupid people” lekhi kena thakishe. Tax utha chari kena demonstrators khan President Emmanuel Macron laga leadership opor te bhi biya pai kena ase. Demonstrators khan jua hafta Paris te bishi gondogol korishe.
Saturday te Paris clash dushra French jaga te shanti thakishe.
November 17 te suru huwa protest para etiya tok duita manu morishe aro hundreds opor jokom hoishe. Etu protest te police khan bhi bishi jokom hoishe.
Add Comment