LOS ANGELES:
Friday te ekdam dangor para mati helishe. Etu mati hela toh Anchorage te hoishe. Mati hela kare ghor aro businesses khan bishi jor para helaishe, etu para power te bhi affect ahishe. Anchorage toh Alaska laga sob para dangor city ase. Mati hela toh 7.0 magnitude laga thakishe.
US Geological Survey koishe mati hela toh eight miles (13 kilometers) Anchorage laga north side te hoishe. Etu toh 8:29 am local time (1729 GMT) te ahishe.
City police department koishe mati hela karne Anchorage laga ghor, building aro dushra saman khan bishi biya korishe.
Police department koishe bishi rasta aro bridges khan bhi bon ase.
Jokom huwa laga etiya tok eku khobor nai.
Etu mati hela pichote tsunami warning Cook Inlet aro Kenai Peninsula ke issue korishe. Hoilebhi etu warning toh juldi uthai dishe.
Anchorage te thaka khan Twitter te tai khan laga ghor, stores aro dushra saman mati hela para biya huwa laga pictures aro videos post korishe.
Universities aro airport bhi bon ase.
Anchorage Daily News koishe mati hela para newspaper office bhi bishi biya korishe.
ENSTAR Natural Gas company bhi Anchorage te thaka manu khan ke gas leaks laga warning dishe.
White House Press Secretary Sarah Sanders koishe President Donald Trump mati hela information paishe aro biya huwa laga khobor loi ase koishe.
White House Press Secretary koishe ami khan Alaskans laga safety karne prathana kori ase.
Add Comment