Hong Kong te 5 jun murishe aro 31 jun jhokom paishe : Police

HONG KONG: Police koishe Hong kong coach(bus) aro taxi accident huwa para 5 manu morishe aro 32 manu jokom hoishe. Etu coach(bus) toh Hong kong airport jai thakishe. Etu accident toh Friday te hoishe. Accident laga impact para coach(bus) te buha passengers khan window bahar te phalai dishe.  Local media images te dikhaishe taxi laga piche(back) toh pura biya hoi jaishe. Coach(bus) laga front bhi olop biya hoishe. Etu accident toh Tsing Yi island te hoishe.Police koishe taxi driver aro coach passengers majote 2 mota(men) aro 2 maiki(women) accident te morishe. Local media khobor korishe etu Coach toh Tourist Coach(bus) thakishe. Etu accident laga samay te airport te kaam kora khan ke bhuki thakishe. Etu accident toh tunnel exit te hoishe.Television footage hesab te jokom huwa manu khan ke rasta laga kinar te treatment diya dikhaishe. Jokom huwa khan ke 4 hospitals te loi jaishe. South China Morning Post khobor korishe jokom huwa manu khan majote kunba toh serious condition te ase.Ekta coach passenger koishe bus toh bishi fast jai thakishe. Bus speed te thaka karne taxi te lagi jaishe.Coach(bus) to aste-koranai(slow down). Etu nimite bus toh gerishe. Passenger para koishe.Etu accident 5:00 am(Hong Kong time) te hoishe.2003 te bhi double-decker bus truck logote lagishe aro bridge para girishe. Etu accident te 21 manu morishe aro 20 manu jokom hoishe.