June 28, 2024: Pune-Bengaluru National Highway no. 4 deh gari ekta stationary truck keh lakai dia tho 13 jun muri jai shae, tateh para tuijun tho bacha taki shae. Etu accident tho Karnataka laka Haveri district deh hui shae. Police laka Haveri superintendent (SP), Anshukumar para sob muri jah manu kan aro jokom kah manu kan tho Badravati taluk laka residents kan ase kui shae Shivamogga district deh. Taikan Maharashtra aro Karnataka laka jaka deh taka alak alak pilgrimage keh visit kuri nah ghor deh wapas jai taki shae. “Mishap tho Byadagi taluk deh taka Gundenahalli osor deh hui shae, 3:30 am phale. Gari tho ekta park taka truck keh lakai di shae high speed deh taka time deh aro pura puri smash kuri di shae,” officer para kui shae. Police para mura manu tho etu kana se kui nah identify kuri shae: Parushram, 45; Bhagya, 40; Nagesh, 50; Vishalaakshi, 50; Subhadrabayi, 65; Punya, 50; Manjulabayi, 57; Aadarsh, 23 (the driver); Manasa, 24; Roopa, 49; Manjula, 50; aro tuita bacha laka salt ho 4 aro 6 taki shae. Jokom kah manu kan keh tho Haveri deh taka government hospital deh admit kuri di shae.
Gari ekta stationary truck keh lakai dia tho 13 jun muri jai shae
