June 28, 2024: Parliament session laka fifth din deh, Congress para ruling BJP-led NDA government kan Parliament deh opposition leaders kan laka microphones kan switch off kuri nah chup kuri deh kui shae. Congress Party para Prime Minister Narendra Modi tho National Eligibility cum Entrance test (NEET) issue deh chup taki ase kui shae aro opposition leaders kan laka awas bon kuri bole ekta conspiracy banai ase kui shae. “Narendra Modi tho NEET laka mamla deh chup taki ase aro Opposition leader Rahul Gandhi tho youth laka cause promote kuri ase House deh. Hoile b enaka serious issue deh, youth laka awas bon kuri bole ekta conspiracy kuri ase. Taikan Parliament deh microphone kan bon kuri nah awas tho ruka bole koshish kuri ase,” Congress para ekta X post deh kui shae. Jawab deh, Speaker Om Birla para Lok Sabha deh tai MPs kan laka microphone kan switch off nakureh kui shae aro enaka eku control nai kui shae, tai lokot deh. “Etu kotha tho President laka address deh taki bole lakeh. Alak mamla kan House deh record nakuri bo,” Birla para kui shae.
Rahul para mic mangi shae aro Speaker para tai switch bon nakureh kui shae
