Poland, Warsaw te dhakiya laga XXXVI Feliks Stamm International Boxing Tournament te Indian boxers pora chuita medal pai kena khotom howa biche te Gaurav Solanki aro Manish Kaushik tweijun pora gold ekta ekta pase.
Etu tweita gold medals pora alak toh, Indians boxers pora silver aro teenta bronze pai kena bishi ucha hoise.
22 umar Solanki (52kg) pora England laga William Cawley ke 5-0 pora yellow metal karne khila somoy te harai dise.
Tai laga himat pora tai ke jowa sal Commonwealth Games aro Chemistry Cup te gold medals pai dise.
Kaushik (60kg) pora bhi jowa India Open gold aro Commonwealth Games silver pabole karne tai laga himat odhise.
Morocco laga Mohamed Hamout, ke khilaaf te 23 umar pora ektam dyar kuri se aro 4-1 te chitise.
Hoile bhi Indian karne European tournament laga final din te olap mon biya paise kintoh Mohammed Hussamuddin laga result toh bantamweight specialist laga hesab pora dhakiya nai.
Hussamuddin (56kg), 2019 season te Gee Bee Boxing tournament te pora silver pai kena suru howa manu, eman chutu somoy te ektam tagot show ola laga botli te Russia laga Mukhammad Shekhov ke 1-4 pora harai diya biche te ahibole laga second-place logot te tai khushi pabole olaise.
Etu somoy te, aro alak teenta Indian boxer khan semi-final contests te hariya biche te bronze karne khilibole olaise. 69kg te, 2014 Commonwealth Games silver medallist aro Arjuna awardee, Mandeep Jangra toh Russia laga Vadim Musaev laga khilaaf te 0-5 pai kena niche te namise aro 91kg te, Sanjeet bhi New Zealand laga David Nyika logot te enika eki score pora hari jaise.
64kg te, Ankit Khatana pora ektam kosish kuri kena khilise hoile bhi 2-3 pai kena Poland laga Damian Durkacz ke khilaaf semi-final te harise.
Chui din competition te duniya sob laga men’s section te 10 categories aro women’s section te five categories te participate kuriya boxers khan sob bhi dhakise kintoh tai khan sob bhi etu sal olap biche te World Championships te jabole ase.
Add Comment