Gangtok pora pohili bar VIVO IPL Fan Park Sikkim, Old Guards Ground te May 4 aro 5 te host kuribole ase aro etu toh state te dhakiya cricket ke khushi bowa manu khan ke stadium khan nishena bonabole karne ase.
Gangtok bhi Indian Premier League (IPL) 2019 karne IPL Fan Parks te dhaliya 8 nuton cities list major te samil ase aro jarta IPL matches screen kuribole ase.
VIVO IPL Fan Park toh Board of Cricket Control in India (BCCI) pora 2015 sal te IPL sob laga state jaga te bonjai dibole karne aro cricket ke khushi bowa manu khan nimete stadium khan dibole karne lowa laga ase.
Etu jaga toh IPL laga live match dekhabole karne ektam tangor sreen lagai dibole ase. Gangtok te IPL Fan Park pora Saturday te Delhi Capitals aro Rajasthan Royals 4 pm te, aro Royal Challengers Bangalore aro Sunrisers Hyderabad 8 pm te aro etu biche te Sunday te Kings XI Punjab aro Chennai Super King 4 pm te, aro Mumbai Indians aro Kolkata Knight Riders 8 pm etu khan laga match dekhabole ase.
Friday te press conference te, Sikkim Cricket Association (SCA) general secretary Sonam Palden Bhutia pora koise ki BCCI pora DNA Networks aro SCA logot te pohili bar VIVO IPL Fan Park ke Sikkim te host kuri ase.
Tai pora koise ki BCCI pora etu season laga IPL karne VIVO IPL Fan Park ke host kuribole karne 21 states aro 36 cities list kuri kena olai dsise. Tai pora aro koise ki IPL ke khushi bowa manu khan bura duniya te dhakile bhi BCCI pora aro tangor kuridibole aro stadium bonabole aro cities konba te nadhakiya khan karne cricket stadium bonabole karne.
Sikkim, VIVO IPL Fan Park 2019 te nuton dhali diya cities khan toh Gangtok, Tezpur, Bhilai, Una, Shivmogga, Tirunelveli, Mudurai aro Trichy khan ase.
Bhutia pora koise ki VIVO IPL Fan Park laga ashol matlab toh cricket ke khushi bowa manu khan karne entertainment aro fun dibole karne ase aro cricket pora society botli kuridibole karne ase koise.
Add Comment