Berlin, 1 November : German tennis star Alexander Zverev ke ekta 450,000 euro fine ($475,300) dishey ekta Berlin court para ekta mahila ke May 2020 dey assault kuria karoney, ekta judicial spokeswoman kuishey Tuesday dey. Itu former world number two para fine toh contest kuri asey, kuntu October 2 dey issue kurishey, aro ekta objection lodge kurishey, ekta spokeswoman kuishey Berlin courts karney ekta statement dey. Zverev ke aarop lagaishey ekta mahila ke physically abuse kuria laga aro tai laga health biya kuri dia karoney ekta ladai dey” German capital dey three saal agey dey, itu spokeswoman kuishey, haalishey ki final ruling nakuria tak, Zverev toh masum asey.
Itu Tiergarten district court itia “proceedings thakia khan logot para aro huniwo”, ekta hearing schedule nakuria agey dey.
Itu victim toh proceedings join kurishey ekta co-complainant nishina, itu spokeswoman janai dishey.
Zverev laga lawyer khan para itu aarop maana kurishey ekta statement dey, mahila ke Brenda Patea kuina kuishey, itu tennis khiladi laga ex-girlfriend.
January dey, ATP, kun para mota laga tennis tour julai, ekta investigation bondh kurishey domestic abuse laga dey Zverev khilaf ekta mahila tennis khiladi milaina thik saboot napaa karoney.
ATP para itu probe khulishey Zverev pitor dey October 2021 dey tai laga former girlfriend, Olya Sharypova para aarop kuria piche dey.
Zverev itia ATP Paris Masters dey khili asey aro tai laga first-round match jitishey Hungarian Marton Fucsovics laga khilaf Tuesday dey.
