France, 1 November : Lyon para taikhan laga postpon kuri dia Ligue 1 fixture Marseille dey thakia toh ekta neutral ground dey khiliwoley maangishey tuesday dey team bus dey opposing fans para attack kuria piche dey. “Itia karney, Marseille dey khiliboley laga savdhaan measures toh pahunjianai,” kuishey Lyon laga general manager Vincent Ponsot para club laga TV channel dey. “Muikhan ekta neutral ground dey khilibo lagey… muikhan lagia toh muikhan laga khiladi khan laga surakshaa lagia hi asey.” Eki channel dey khota kuina, Lyon deputy managing director Xavier Pierrot kuishey ki club, aro taikhan laga staff bhi, ahia din khan dey ekta complain formally file kuriboley.
Itu match toh originally jaa Sunday karney set thakishey, huilewi home Marseille fans para Lyon bus Stade Velodrome dey ghusi thakia homoi attack kuria karoney chari dishey, coach Fabio Grosso ke jokhum kuri dishey.
Grosso, kun 12 shilai luwo lagishey itu ghatna piche dey aro Tuesday laga training session dey part luwo parianai, tai laga agey statement panaishey Marseille dey event khan thakia laga.
“Sunday evening dey ki huishey itu toh ekta tragedy huwo pari thakishey, aro sport karney toh thakishey aro sob manu karney kun sport ke morom kurey,” tai para Instagram laga ekta message dey likhishey.
“Mui muun pura para bisas rakhi asey ki itu toh future karney ekta seekh thakibo” Tai halishey.
Three investigations toh prosecutor laga office para Marseille dey khulishey, tui jun toh team bus aro Lyon fans thakia laga bus ke pathor maria connection dey.
Itu third jun wala toh stadium dey Lyon supporters thakia khan ke diktari dishey, kun ke racism aro Nazi salutes dia karoney aarop kurishey.
