New Delhi, 2 May : Ajith Kumar, juntu actor aru racer duita he ase, nijor notun film announce korianai, kintu fan khan karone ekta special surprise loi ahise. Nijor 55th birthday (May 1) din, tai laga team upcoming racing documentary Gladiators laga first glimpse release kori dise.
Ajith Kumar laga team X (age Twitter) te video share korina, likhise: “Ajith Kumar Sports Services LLC presents GLADIATORS – In Pursuit of Challenges.” Eitu documentary Ajith Kumar laga motorsport journey upor ase, juntu impossible ke chase kora dikhai. Release date etiya announce korianai, kintu confirm ase ki theatre te release hobo, khali OTT nohoi.
50-second laga animated glimpse te ekta race car arena te dhukibo ready thaka dikhai, aru Ajith Kumar full racing gear logote helmet hath te loi ahise. Khotom te tai helmet pindhi race start koribo jaga te jai. Title Gladiators aru tagline “In Pursuit of Challenges” bhi show korise.
Ajith Kumar last te Vidaamuyarchi aru Good Bad Ugly te dekha jai thakise. 2024 pora tai nijor racing career te bisi focus kori ase Ajith Kumar Racing pora. Tai jaldi Le Mans Cup te race koribo Circuit Paul Ricard, France te.
Add Comment