New Delhi, 2 May : Academy of Motion Picture Arts and Sciences notun aru updated rules approve kori dise 99th Academy Awards karone, juntu 2027 te hobo. Itu rules change majot Indian filmmaker khan karone ekta positive side bhi ase.
Friday din announce koria change khan bisi category aru Governors Awards ke affect kori ase.
Etiya pora acting category (lead aru supporting duita) te actor ek saal te ekta pora beshi performance karone nomination pabo pare, jodi duita performance top 5 vote bhitor te ase. Agey ki hoise, jodi ekjon actor laga duita performance top 5 te thakile, matro besi vote paa ekta he count hoi thakise. Etiya dhori lobi jodi Leonardo DiCaprio ek saal te duita strong lead role kore, itu hoile duita karone bhi nomination pabo pare.
Aru ekta important rule—acting category te matro official credit thaka role aru human actor pora consent logote kora performance he eligible hobo. Itu topic uthi ahise ketiya Val Kilmer laga likeness use kora hoise upcoming film As Deep as the Grave te.
Academy of Motion Picture Arts and Sciences generative AI upor bhi clear stance loise. Tai khan koi dise ki jodi AI use kora hoise, te additional information mangibo pare—kiman human kaam ase aru kiman AI use hoise. Writing category te etiya officially mention kori dise ki screenplay human pora likha hoibo lage, itu hoile he eligible hobo. Organization emphasise kori dise ki technology change hoile bhi, human creativity upor focus etiya bhi same thakibo.
Aru ekta dangor change hoise Best International Feature category te. Age rule asil ki ekta country pora matro ekta film he compete kori paribo, juntu local committee select kore. Etiya Academy of Motion Picture Arts and Sciences eitu rule ke review kori ase, juntu future te aro flexibility ahibo kuina dhorom ase—aru etu Indian filmmaker khan karone bhal opportunity khulibo pare.
Add Comment