New Delhi, 1 May : Resident Evil laga notun trailer etiya release hoise, aru popular video game Resident Evil laga fan khan ekdom surprise paise. Zach Cregger (Weapons director) pora etiya ekta notun era of evil ahise.
Trailer te dekha jai ki main character Bryan (Austin Abrams) morphed monster khan logote fight kori ase aru nijor jibon bachabo karone disaster laga city pora pulabo lage. Game laga fan khan notice koribo ki etu adaptation te original character nisina Leon S. Kennedy aru Jill Valentine nai, karon Zach Cregger ekta notun aru original story banabo bisari ase.
Age te 6 Resident Evil film ahise, start hoise 2002 te Milla Jovovich aru Michelle Rodriguez star kora film pora. Itu pichete Resident Evil: Apocalypse, Resident Evil: Extinction, Resident Evil: Afterlife, Resident Evil: Retribution aru Resident Evil: The Final Chapter release hoise. 2021 te Johannes RobertsResident Evil: Welcome to Raccoon City banaise.
Notun Resident EvilColumbia Pictures aru Constantin Film produce kori ase, TriStar Pictures logote. Film te Zach Cherry, Kali Reis aru Paul Walter Hauser bhi ase. Film tu 18 September te theatre te release hobo.
Zach Cregger laga last film Weapons 2025 te release hoise aru worldwide $270 million pora besi collect kori dise. Film te Amy Madigan (Gladys role te) Best Supporting Actress karone Academy Award bhi jiti loise.
Add Comment