Goa te Sep 13 darik dak COVID curfew othaise

September 6, 2021: Goa government para jai-thaka Covid-induced curfew toh aro September 13 darik dak othaishe, koikena Sunday din junaishe. Curfew toh first etu saal May 9 darik te soruh hoikena besi paar othaikena jaishe. Notification ekta te state administration para junaishe ke, curfew samai toh September 13 darik 7 am dak thakibo koishe. “curfew thaka nemite, state government para hoi thaka restrictions toh aro jai thakibo,” koikena senior official para janaishe. Olop din akhe te state government para state te important kam besi kuli thishe aro itya casinos kuliboli ase koishe. Casinos, auditoriums, community halls, water parks, entertainment parks neshian toh bondh thakibo. River cruises be bondh thakibo. Spas aro massage parlours be nakolibo, Cinema halls toh 50% capacity te kuliboli janaishe. Students nemite schools bondh thakibo, hoilebi school examinations aro competitive exam toh government laga hokom loikena thakiboli paribo koishe. Social/political/sports/ entertainment/ academic/ cultural, marriage functions aro dosura congregations toh 50% capacity te loboli manishe. Bars aro restaurants toh 50 per cent capacity te 7 am para 11 pm dak kula thakibo. Indoor gyms toh 50 per cent capacity te kulibo. Sports complexes (indoor or outdoors) te manuh nathakina kula thakibo. Etu samai, Sunday din Goa te 72 notun COVID-19 cases aro tui(2) jun mora khobor paishe, koikena health department para janaishe.