GUWAHATI: Low-cost carrier GoAir para senior pilot ke Prime Minister Narendra Modi laga khilaaf derogatory remakrs diya nimete hataidishe.
Etu pilot para derogatory remarks toh tai laga twitter account te dishe.etu pilot kun laga naam toh Unish Malik ase aro tai ke Miki Malik laga naam para janaa toh ekta retired Indian Air Force (IAF) official ase.
media report te koikena janaishe 2010 te Malik toh IAF te Group captain thakishe.tai para Indian Air Force (IAF) te 25 sal kaam kurishe etu te VVIP Squadron te bi kaam kurishe.
Etu senior pilot kun para asol te tweet kurishe”PM toh ekta demak nathaka manu ase apuni toh ami ke eki matibole pareh etu toh thik ase mui matter nai.kile koile toh mui PM nohoi hoilebi PM toh demak nathaka ase Thursday din te ertu pichede etu tweet te hataidikena tai laga twitter account bondh kurishe.
Thursday din te etu pilot para aro ekta tweet te maaf mangishe”mui laga tweet nimete maaf mangi ase PM uporte dusra offensive tweet nimete kuntu para manu khan laga mon te dukh diy a toh.mui para koikena janaishe GO Air toh mui laga tweet logote okobi associate nai kile koile toh etu toh personnel views thakishe.
GoAir para tai ke hataidishe aro koikena janaishe airline logote zero-tolerance policy ase enika chamela nimete aro etu toh mandatory ase tai khan laga employees nimete etu company employment rules regulation aro policies khan etu te social media behaviour te comply kuribole nimete.
