Kohima, 29 October: Tuesday din New Delhi deh Government of India aro NSCN IM majode fifth meeting loise. Meeting para eku phal result toh olai nai. Etu para next meeting toh Wednesday deh lobole ase.
Fourth meeting Monday deh lowah para be tuita parties majode eku phal result toh naola thakishe. Khobor hisaab deh tuita parties toh alak Naga flag aro constitution deh ponjibole paranai.
Etu agae government of India aro government of India and the Naga National Political Groups (NNPGs) majide meeting lowah thakishe. Etu time deh NNPGs side para sob issue toh thek hoise aro final pact toh ketiya hoilebi sign kuribole daiyar ase koikena janaideya thakishe.
Meeting time deh Nagaland Governor and Interlocutor, RN.Ravi para be talks toh 31st October deh kothom kuribole monja janaideya thakishe.
NNPGs toh October 31st direk tak Delhi deh camping kori thakibo aro tai khan aro GoI logode kotha toh kori thakibo.
New Delhi deh NSCN-IM leaders toh sob nemide Framework Agreement kothom kuribole nemide camping kori ase.
Khobor hisaab deh, October 28 direk nai nai koile be IM laga 22 members toh NSCN U deh join hoise. Khobor honi thaga hisaab deh, IM laga aro besi members toh ahibole din NSCN U deh join hobole ase.
Add Comment