Bangkok, 03 November: Sunday din Prime Minister Narendra Modi para India laga multi-sectoral toh Association of Southeast Asian Nations (ASEAN) logode melibole nemide koise. Etu ASEAN toh business nemide kaam laga groupings ase aro duniya deh investment korae.
India-ASEAN summit deh prime minister koise, India aro 10 desh laga bloc majode surface, air aro maritime connectivity phal kora para regional business aro economic growth othibole ase.
Modi koise, maritime security sphere aro blue economy deh mela-meli phal hobo nemide pai toh thakise aro etu opor deh agriculture, engineering, digital technology aro scientific research laga area deh be.
Prime Minister para be Indo-Pacific region deh India aro ASEAN majode mela-meli hobole laga meeting ke welcome korise. PM Modi para ASEAN desh laga leaders agae deh koise, “India’s Act East policy ami khan laga Indo-Pacific vision aro ASEAN deh kaam laga part ase. Integrated aro economically vibrant ASEAN toh India laga interest deh ase.
10-nation Association of Southeast Asian Nations (ASEAN) ke toh region deh ekta kaam laga influential grouping manae aro India aro alak alak desh majode US, China, Japan aro Australia toh dialogue partners ase. India aro ASEAN majode sambaan toh othi ase.
ASEAN region logode India melikena total 1.85 billion manu ase. Etu toh global population laga fourth ase aro melikena GDP estimate kora toh USD 3.8 trillion opor ase. ASEAN para India deh invest kora toh last 17 sal para etiya tak USD 70 billion opor ase.
Saturday din Prime Minister toh tin-din nemide ASEAN-India, East Asia aro RCEP summits deh thakibole ponjishe.
ASEAN laga 10 member desh khan toh Indonesia, Malaysia, the Philippines, Singapore, Thailand, Brunei, Vietnam, Laos, Myanmar aro Cambodia ase.
Add Comment