NEW DELHI: Khobor hesab te Prime Minister Narendra Modi toh Pradhan Mantri Kisan Samman Nidhi scheme toh Gorakhpur te formally launch kuribole ase. Etu scheme toh February 24 te launch kuribo koishe.
Etu scheme nichete central government toh etu aki din te he beneficiary farmers khan laga bank account te first instalment hesab te Rs. two thousand hali dibole ase. Etu dui hazar rupees laga first installment toh ek crore famers khan genika ke dibole ase.
March 31 bhitor te 25 million farmers khan genika tai khan laga account te scheme laga first instalment toh paijabo koishe.
Central government para sob state government khan ke letter leki kena de dishe. Etu scheme nichete aha farmers khan laga details khan state government ke mangishe.
Uttar Pradesh, Maharashtra, Gujarat aro Tamil Nadu genika states khan khan toh lists pothai kena ekdam interest thaka dekhaishe.
Sob chutu farmers khan laga account te March 31 bhitor te central government para first installment toh pothai dibo koishe.
First instalment kura laga olop samay pichete he April 1 te scheme niche laga dusra installment bhi pothai dibo koishe.
Interim budget samay te central government para etu agricultural sector laga notun scheme laga announcement dishe. Etu scheme nichete desh laga baro (12) crore marginal farmers khan ke saal te Rs. 6000 dibo koishe.
Etu scheme laga naam toh “’Pradhan Mantri Kisan Samman Nidhi (PM-KISAN)” ase. Aro etu scheme toh saal te Rs. 75,000 crore marginal farmers khan opor te invest kuribo.
Add Comment