National

Poll Panel Proa Electoral Rolls Nimite Special Camps Thakibo

February 22, 2019

NORTHEAST INDIA | February 21: Electoral lists toh aro besi thik pora bonaibo karne, Election Commission pora sob states aro aro Union Territories khan ke konoba galdi thakile, thik koribole twei-din special camps thakibole koise aro vote koribole saal ponchi kena thakiya khan laga naam bi halibole koise, ekjun top official pora Thursday te koise.

“Lok Sabha laga ahiya general elections laga phabana korikena aro electoral rolls te naam nathakiya manu khan ke naam halibole moka dibo nimite, pura desh te sob states aro union territories te twei-din special camps thakibole dayar koribo,” Chief Electoral Officer (CEO) Sriram Taranikanti pora IANS ke koise.

Tai pora koise: “Election Commission laga aadesh ke maanikena, 26 states aro Union Territories laga sob polling stations te February 23 aro 24 te special camps thakibo. Aro pajiya states aro union territories te etu special camps toh March 2, 3 aro March 8, 9, te thakibo.”

Etu CEO pora koise ki Booth Level Officers (BLOs) aro designated officers khan nijor laga polling station area te electoral rolls logote special camps te thakibo.

“Uneducated voters khan ke janaidibo nimite camps thakiya samoy te public laga aage te etu electoral rolls toh jor pora burikena kobo. Etu camps laga maksat toh voters khan pora electoral rolls te tai khan laga naam thik ase na nai sabo paribo karne ase aro juti laagise koile, tai khan laga naam aro aalag details khan podli koribole paribo nimite ase, etu pora Lok Sabha elections te tai khan laga haqt julaibole paribo,” Taranikanti pora koise.

Etu poll panel pora sob recognised political parties ke bi Booth Level Assistants (BLAs) rakhibole nimite request korise aro tai khan ke etu special camps te thakibole janai dise.

Tai pora koise ki Election Commission laga aadesh ke maanikena, sob political parties khan ke plastic aro hawa-pani ke biya koriya bostu khan najulaibo karne request korise.

Ekjun Election Commission official, kono etiya northeastern states te ahi ase, proa koise ki  Mizoram aro Assam milaikena khali teenta-jarta charikena, January 1, 2019 toh maaniya laga direk karne, photo-affixed electoral rolls toh besi bhag states aro Union Territories te olaise.

Mizoram Chief Electoral Officer Ashish Kundra pora Aizawl te koise ki Mizoram laga final electoral rolls toh Friday te olaibo.