MUMBAI: Thursday din te leading farmers khan laga organisation para announce kurishe ke tai khan laga chuli thaka protests toh khotom kuribole announce kurishe. Farmers khan protests toh Nashik para Mumbai tok jabole thakishe. Etu protests toh kheti-dhaan khan opor te thakishe. Hoile bhi farmers khan Mharashtra government khan logote kotha kura pichete etu protests toh rukhai dishe.
CPI(M) nohoile bhi Communist Party of India (Marxist) para back kura All India Kisan Sabha (AIKS) para tai khan laga 180-km march toh suspend kura announce kurishe. Tai khan Nashik para Mumbai te jabole thakishe. Etu decision toh tai nkhan laga representatives aro state ministers Girish Mahajan aro Jaykumar Rawal majote teen ghonta adha n(3 and half hours) meeting pichete etu decision te ahishe.
AIKS president Ashok Dhawale para news agency Press Trust of India ke koishe farmers khan march toh Thursday fusur para suru kurishe. Hoile bhi olop samay pichete etu toh rukhai dishe koishe.
AIKS president Ashok Dhawale koishe Thursday din te huwa meeting para positive result paishe koishe. Etiya etu nimite ami khan etu protests toh rukhai de ase. Etu meeting toh Nashik laga Ambebahula bosti te duita side majote meeting toh hoishe.
Add Comment