LUCKNOW: Friday te police koishe Pakistan te thaka attanki group Jaishe-e Mohammed laga duita manu ke police para dhurishe. Police para tai khan ke Uttar Pradesh para dhurishe. Etu toh Pulwama te attanki hamla huwa pichete desh pura te security barai-diya nimite dhura ase. Khobor hesab te tai duijon bhi Jammu aro Kashmir para ase.
Uttar Pradesh police chief OP Singh para news conference te koishe police khan para dhura ekta manu laga naam toh Shahnawaz Ahmad ase. Shahnawaz Ahmed toh Jammu aro Kashmir laga Kulgam district te thaka manu ase. Shahnawaz toh Jaish nimite members ana laga kaam kuri thakishe. Khobor pa hesab te tai toh grenade expert ase. Dusra arrest huwa manu laga naam toh Aqib Ahmad Malik ase. Aqid toh Pulwama te thaka manu ase.
Etu duita manu ke state police laga anti-terror squad khan para Thursday din te arrest kurishe. Tai duijon toh Western Uttar Pradesh laga Deoband jaga para dhurishe. Etu jaga toh Islamic seminaries aro educational institutions nimite bishi naam ase. Police para tai khan laga haat para handgun arp guli paishe.
Mr Singh koishe Etu kubole bishi dikdar as eke tai khan toh Pulwama te huwa hamla laga agay te ahishe na pichete. Nohoile bhi tai khan toh attanki hamla te eku haat bhi ase na nai. Ami khan subut paishe ke tai khan toh Jaish logote melai kena ase. Hoile bhi ami khan etu opor te etiya eku bhi share kuribole naparibo.
Add Comment