Government Middle School, NAP sector Shamator para CHC keh visit kuri shae

September 19, 2024: Taikan laka pre-vocational education kuto class 6 para 8 karne ase, etu laka nam deh, Government Middle School, NAP Sector, Shamator para Community health Centre (CHC) Shamator keh visit kuri shae, 19^th September 2024 din deh. Tuita teachers para taikan keh guide kuri nah, 40 students kan CHC keh visit kuri shae, Visit time deh, students kan keh stethoscopes, sphygmomanometers, weighing machines, oximeters, aro thermometers nishi nah basic health equipment kan keh introduce kuri shae. Etu hands-on experience tho taikan keh tools kan kinaka chubo lakeh aro ki karne chobo leh, etu kan janai dibo karne kuri shae. Visit laka primary goal tho taikan laka majo deh common health issues laka awareness tho uthai dibo karne ase. Taikan keh etu problems kan kinaka hui aro kinaka prevent kuri bo lakeh, etu janai dibo karne kuri shae. Etu kan janai di nah, etu initiative tho healthcare field deh interest uthai dibo karne aim taki ase aro students majo deh better personal health habits promote kuri bo karne aim ase.