NEW DELHI: Friday te Indian Council for Child Welfare (ICCW) opor te Women and Child Development Ministry government para fund allocate korishe aro ICCW para kharcha nohuwa balance toh noghura nimite government para ICCW against te First information Report (FIR) kuri dishe.
Olop samay agote Delhi High court te petition dishe ke non profit toh government funds rules toh violate kuri thake. Women and Child Development Ministry nichete thaka teenta manu laga committee toh funds diay toh biya para nochulabole form kurishe.
Ministry dekha hesab te government para diya funds laga checks aro balances laga garbar toh hoi thake koishe.
Etu pichete court para kotha dishe ke court para non-profit opor te aro eku bhi investigate kuribole lagibo nah nalagibo etu sabo janaishe.
Ministry statement te koishe delhi court laga directions hesab te internal committee banaishe aro etu toh sure as eke ICCW para kharcha nohuwa balance toh wapas diyanai. Etu kharcha nohuwa balance toh Rs. 30,914,051 ema ase. Etu toh 2014-16 saal laga thakishe. Etu toh state councils logote ase koishe.
Olop samay agote ICCW para Bravery awards organize kurishe. Hoile bhi petition diya pichete Centre nijor para he etu para nijor ke hatai loishe. Aro 2018 te National Awards for children scheme toh notun banai kena Pradhan Mantri National Children Awards te Bravery bhi add kuribole koishe.
Add Comment