Shamator, 10 May: Governor of Nagaland, La. Ganesan toh Shamator district te lok korise aro Government Officials aro Civil Society Organizations logote District DB’s Customary Court, Shamator jaga te 10th May 2023 te loise.
Jama howa khan ke Governor Ganesan para financial implications nesana besi challenges hoilebe, Shamator district toh Yimkhiung aro Tikhir tribes laaga manu khan nemite bona thakise koise. Etu governance aro administration toh Shamator laga manu khan ke peace aro development nemite closer te anibole koise.
Tai para Yimkhiung aro Tikhir tribes laga tuita communities ke past issues te paoribole aro maaf koribole koise kelay koile society laga growth aro progress te peace lakiya nemite koise. Aro village, area, clan aro tribe te nashai kena sob development activities te equitable share thakibole koise.
Governor para elimentary education toh ekta constitutional right ase koise aro kondu bacha hoilebe bechae te nacharibo laki koi kena Shamator district laga literacy rate toh 66.25% ase koise. Etu toh State te lowest percentage ase koise aro jam howa khan ke extra efforts toh thek education debole nemite koribole koise. Ganesan pra be Government Officials ke manu khan laga benefit education, drinking water, health, good roads aro banking facilities nesana basic necessities te kusish rakhibole koise.
Agae te, Governor para interaction toh Civil Society Organizations aro Heads of Offices logote loise.
Programme te District Administration, Heads of Offices aro alak lak civil societies, namely YTC, TTC, YAA, TSU, YWO, TWA, District DBs Association, Shamator Chamber of Commerce, Shamator Town Public Forum, Shamator Students’ Union, Area Gaonburas’ Association attended thakise. Programme te Deputy Commissioner, Shamator, Thuvisie Phoji para chaired thakise.
Add Comment