Mumbai, February 26: Tuesday din enaka reports para internet ke hilaikina rakhidisiley ki shaddi hoikina 38 years huwa picheyte Govinda ke tailaga maiki Sunita Ahuja para divorce mangisey. Hoilebi, Govinda laga lawyer Lalit Bindal para etya etu khobor te jawab dikina ekta interview te koisey ki taikhan duijun tu etya wapas milijaisey.
Govinda laga lawyer para etu manisey ki Sunita Ahuja para 6 moina ageyte divorce file kurisiley, hoilebi picheyte sobkuch thik hoijaisey. Tai para enaka koisey, “Amikhan New Year te Nepal te bi jaikina Pashupatinath Mandir te ekey logotey puja kurisey. Etya taikhan majotey sobkuch thik asey. Mota-maiki khan majotey enaka tu hoi thakey. Hoilebi taikhan laga rishta tu etya bhal chuli asey aro taikhan hodai eksath thakibo.”
Etu lawyer para etu duijun mota-maiki tu alag-alag buhiasey kuwa laga khobor bi misa asey koikina koisey ki Govinda tu MP huwa picheyte official kaam nimitey ekta bungalow kinisiley. Etu property tu taikhan shaddi kora homoi para buhithaka flat laga opposite te asey. Tai para samjhaisey ki Govinda tu kityabar tatey meeting attend korey aro kityabar tatey pura rati bohey.
Tai para agey barikina nutun podcast te Sunita appear huwa laga bari te koikina koisey ki tailaga kotha khan ke chunikina galat matlab olaisey. Tai para enaka koisey, “Example, jitya tai para enaka koisey,’Amikey dusra jonom te Govinda nisna mota nalagey’, tai para etu bi koisey ki taikey tai nisna chokra lagey. Aro jitya tai para koisey ki tai(Govinda) nijor laga Valentine logotey thakisey, tai laga matlab tu etu thakisey ki tai(Govinda) tu kaam kuri thakisey. Etu tu dukh laga kotha asey ki manu khan khali negative te hey focus korey jabki etu mota-maiki tu eksath asey, aro ami etu pakka kobo paey ki taikhan hodai eksath thakibo. Eku divorce hobole nohoi.”
Add Comment