Rome, 30 June : American swimmer Gretchen Walsh women’s 50 meter freestyle event te notun world record bonai dise.
Tai Sunday din Rome te hua Sette Colli meet te 23.55 seconds time kori record tu bhangi dise. Etu time para tai training partner Kate Douglass laga record ke 0.04 seconds pora improve korisey.
Kate Douglass June 19 din Indianapolis te notun world record set kori thakise. Kintu khali 9 din pichete, Gretchen Walsh tai laga record tu bhangi notun benchmark establish kori dise.
Etu performance logot Walsh women’s 50 meter freestyle te etiya notun world record holder bani jai ase.
