Boston, 30 June : Germany FIFA World Cup 2026 laga Round of 32 pora bahar hoi jai ase. Paraguay logot Boston te khela match 1-1 draw te khotom hoa pichete, penalty shootout te 4-3 pora hari Germany eliminate hoi jai ase. Etu World Cup history te Germany laga first-ever penalty shootout defeat ase.
Etu win pora Paraguay Round of 16 te qualify kori dise. Jose Canale sudden-death penalty te goal kori dise, aru goalkeeper Orlando Gill shootout te duita important saves kori Paraguay ke victory dise.
Regulation time te Paraguay age lead loise ketia Julio Enciso first half khotom hua age header pora goal korisey. Germany karone Kai Havertz 52nd minute te equaliser korisey.
Aru ekta Round of 32 match te, Morocco Netherlands ke penalties te 3-2 pora harai dise, 120 minutes laga dramatic match 1-1 draw te khotom hua pichete.
Morocco laga Achraf Hakimi aru Neil El Aynaoui Dutch goalkeeper Bart Verbruggen ke test korisey, aru Netherlands laga Micky van de Ven Moroccan goalkeeper Yassine Bounou para world-class save ulai anise.
Netherlands karone Cody Gakpo quick pass pai brilliant opening goal korisey. Penalty shootout te Quinten Timber aru Achraf Hakimi duijon miss kora pichete, Ismael Saibari decisive penalty score kori Morocco ke next round te pathai dise.
Agey, Brazil United States laga Houston te Japan ke 2-1 pora harai Round of 16 te qualify kori dise.
Gabriel Martinelli injury time laga end moments te winning goal kori five-time champions Brazil ke victory dise. Second half substitute hisab te nama Martinelli stoppage time laga sixth minute te goal korisey ketia match tu extra time phale jabo nisina dikhai thakise.
Etyia Brazil Round of 16 te Ivory Coast nohoile Norway logot July 5 din East Rutherford, New Jersey te khelibo.
