New Delhi, April 14 : Superstar Salman Khan laga ghor bahar te guli mara mari huwa laga khobor tu pura desh bhor te feilisey. Etu khobor para sob manu ke asurit kuridisey. Enaka report olaisey ki duijun nachina manu para Salman Khan laga Mumbai, bandra te thaka Galaxy Apartment bahar te 6 shot guli marisey. Etu mamla te, Mumbai police para Salman Khan laga ghor bahar te security baraidisey aro 5jun manu laga statement record kurisey.
News agency ANI para taikhan laga X (poila te Twitter) te latest update share kurikina koisey, Mumbai police para Bollywood Superstar Salman Khan laga ghor bahar te guli mara mari huwa picheyte security baraidisey. Etu bi janaibole parisey ki police para etu mamla te 5jun para bisi manu laga statement record kurisey.
Maharashtra laga Chief Minister Eknath Shinde para Salman Khan ke etu mamla te telephone te kotha kurisiley. Tai para Mumbai Police Commissioner logotey bi ekta discussion kurisey, kotey tai para suggest kurisey ki etu actor laga security baraidibo lagey.
Etu opor te, news agency para etu bi janaisey ki Salman Khan laga ghor bahar te guli mara mari kora laga mamla te ekjun unknown manu laga khilaf te Bandra Police para ekta case register kurisey.
Forensic expert laga ekta team para Salman Khan laga ghor bahar te jaikina investigation laga his ate sabut jama kurisey. Suspected guli mara manu laga CCTV footage bi olaisey.
Add Comment