New Delhi, April 14 : Pooja Entertainment para produce kora Bade Miyan Chote Miyan film tu 2024 laga ekta sobsey dangor action entertainer film olaisey. Etu Akshay Kumar aro Tiger Shroff laga film para taikhan laga action sequence logotey audience ke impress kuridisey. Eman dangor dhoom machaikinaa, Bade Miyan Chote Miyan tu box office te opor hey uthi asey. 3-din tak ekdam bhal para chulikina, etu film tu 100-crore mark chubole ekdam close asey. Etya tak, etu film para duniya bhor te Rs 76.01 crore kamaisey. Hodai din kamayi 20% uthikina, Bade Miyan Chote Miyan film tu lagatar audience khan ke impress kuri asey.
Etu film tu Eid te release hoisey koilebi, regular din te bi, Bade Miyan Chote Miyan tu box office te dominate kuri asey.
Vashu Bhagnanai aro Pooja Entertainment para AAZ films logotey milikina Bade Miyan Chote Miyan ke present kurisey. Etu film ke Ali Abbas Zafar para likhisey aro direct kurisey. Aro Vashu Bhagnani, Deepshikha Deshmukh, Jackky Bhagnanai, Himanshu Kishan Mehra aro Ali Abbas Zafar para produce kurisey. Etu film tu duniya bhor te Hindi, Tamil, Telugu, Malayalam aro Kannada te release hosiey. Etu film te Akshay Kumar, Tiger Shroff, Prithviraj Sukumaran, Sonakshi Sinha, Alaya F aro manushi Chillar dangor role te asey.
Add Comment